A Eisberg hat an Riesengrant
Er denkt: "Wenn mi wer anschaugn kannt,
na´ hätt ich aa was von mei´m Leb´n
und könnt a Interviews wo geb´n.
In Grönland san z´viel Eisberg da.
I schwimm jetz gschwind nach Afrika."
Er machts und schwimmt im Rückenschwumm
so schnell wie ´s geht um Schottland rum.
Und bald is er in Lissabon
Da war er scho a Sensation.
Und nacha drunt, in Gibraltar,
da steht a ganze Menschenschar.
Und kaum is er in Afrika
da is as Fernsehn aa schon da.
Kurzum, der Eisberg bild´t si ei
er müaßt was ganz was B´sonders sei.
Er wär no heut a großer Star
wenn er net vorher g´schmolzen waar.
Zu Glück brauchts da koa Renten mehr
sonst wär dees pfeigrad a Malheur.

So manchen gibts, dem gfallt dees net,
wenn ma net dauernd von eahm redt.